يا قريـــــــــــــــة

يا قريــــــــــــة مقواه ذا الشعب اتبهدل ****المير اللي جي يخدم عرشو و أماليه
على كل باب بيرو دارو موعرقـــــــــل * *** وعالبادج كاتب لعندو حق يديـــــــه
المعريفــــــــــــــــــــة جاريه تحت الظل **** في السرية التامة كلش تقظيــــــــه
القرار في درج المكتب امعطــــــــــــل ****ماكانش اجوامير لكاشي و اسنيي فيــه
الرشوة و البيسطو و الفساد استفحل ****و المير اللي جي اغمض عينيـــــــــــه

السكنى و السيارة يبيع يشري و ابدل****يتلبد خايف الناس ايفيقو بيـــــــــــــــه
المواطـــن البسيط كره اجرى و افشل****حقو قدامو ضاعلو مابين يديــــــــــــــه
ولــــــــــــــد لبلاد راسو تحت اسفل**** يا خوتي شوفو الظلم بعينيــــــــــــــــــه
الحم الدار ياكلو البراني راعي البل ****ولد القرية خربه ظلمه تكفيــــــــــــــــــــه
مولا الجاه و المال ابجلوه يستهل****و المغبون اظال عند المير احلل فيــــــه


يا قرية رعيان تاكل في جنبك ما اتمل****و المسؤول اللي جي يطوالو كرعيـــــه
يا قرية مقواه شعبك عايش في الذل ****ماالقاش اشكون انش الذبان اعليـــــــه
الشبيبة عاطلة مالقت امنين اطل****و الادارة فاهمة فن التمويــــــــــــــــــــــــه
هاذا حالك يا قرية صيفتك ماتتبدل ****والقانو ن اللي جي الجهال امفيدا فيـــــــه
كايـــــــــــن شيء عباد تستاهل الذل ****حاشا الفقير اللي ماعندو مايكفيــــــــه

ياراس المحنه جاوبني وين راه الحل ****واش قالو كبار القرية قول هيـــــــــــه
اكلابك في الانتخابات اتحشم و اتحلل****اعطيني صوتك تشوف الخير بعينيــــه
في كل ركنه و اتجاه تجري اتهرول****هذا متصدر حزب العدالة زكيـــــــــــــــه
ظرك ناسك بقات غير ادلل*****امعوله على قفة رمضان محسوب عليــــــــــــه
اجرحتي حبيبك و جميع من قال انا افحل****احطوه في القائمة اسمو مغضوب عليه

يا قرية مقواه شعبك اتبهدل****المير اللي يجي يخلق مشكل اسهيــــــــــــــــــه
هم الغاز و التريسيتي مالقينالو حل****زاد هم الريزو ولشان نسى فيـــــــــــــه
مسؤول سونلغاز اعرض في اكتافو يستطول****روحو اشكو للوالي منو زيدوالهيه
اطرق امحفره عمها الطين و لوحل****و الماء مغلاه مر من لكماين نشرو فيــه
كلانــــا الناموس و البورززو زاد جمل****و لي لدغاتو عقرب الموت تديـــــــه

ماني طالب جاه لا هزان زبل****نخمم في ولد ولدي وينا اصبيطار نداويــــــــه
بلغت صوتي معليهش حتى كي نتسلسل ****هذا وقت الذل خلوني نهجيـــــــــه
اتمشريك الفم في لقهاوي يجيهم ساهل****اقلك خلي البير بغطاه اواه لا تاذيـــه
بركانا من جار و مجرور فرمي و اقفل ****ادجيه دوبل سيس في الصلاة تنسيه
يا راس المحنه مهما الزمان يوادعك و اطول****موحال صور الرمل لا اتعليــه

يا قريـــــة لسان حالك لغافل يشمل****العبد الجاهل لعمر خسارة فيــــــــــــــه
يا قريــــــة مقواه ذا الشعب اتبهدل****كل غريب يرجع للحيط اكاليــــــــــــــه
جانا رمضان و شعبان قريب يرحل****لعندو كبش خروف من ريان يجي يديه
اكتب يا تاريخ القرية و زيد سجل ****خليتلك شعري امانه للاجيال ترويـــــــه
تعيشي حره يا قرية و كلــــــي امل****و جه ربيع كل صباح نتامل فيـــــــــــه

تاليف الشاعر { عبد المالك محمودي .ابو رمزي }
زريبة الوادي في 16/07/2011
جميع الحقوق محفوظة للشاعرملاحظة : لرفع كل لبس و تاويل من طرف البعض سامحهم الله و هذا رايهم ان قصيدة يا قرية انهكتني و اتعبتني و هي كما تلاحظون تعالج و تنتقد الواقع المعاش و الوضع السائد خاصة سكان الجزائر العميقة و هي شاملة اي لا تخص بيئة و محيط الشاعر فقط تنبيه : ان مصطلح البراني لا اقصد به اي فئة معينة كما اقصد بكلمة المير كل مسؤول في اي مركز كان و البراني لا اقصد به السكان الخارجين عن المنطقة كلنا جزائريين و لنا حق في هذه البلاد و لكن اقصد به اصحاب الجاه و المال و السلطه الجهال الذين لا يتخذون الاساليب الغير قانونية كالرشوة و ما الى ذلك للوصول الى المبتغى المنشود و في الاخير اشكر الجميع على التفهم و شكرا و لكم حرية الحكم على قصيدتي هذه و شكرا و الى اللقاء و انا في اتظار ردودكم و فقني الله و شكرا امضاء الشاعر :أبو رمزي

جولة

مغروم بجمال الصحراء محلاها ذكريــــات *** قلت أنا أنْوسّع خاطري في هاذي العشويّا
أنْقبل شرق الزيبان الجولة من ثمة بـــــدات *** قاصد نزور لحباب أهلي وأمّاليــــا 
بسكرة عروس امْزهرة زينة الصيفــــــــات *** سيدي عقبة هلال مجمع لوليّـــــــــا
ما تسألنيش على رجال في نكران الـذات *** عين الناقة خذران تلقاهم في كل أثنايا
لمزيرعة من شوقها نفسي ليها هـــوات *** فلايح و حقول غنّة وبيوت بلاستيكيــــا 
لبغيلة لحرار تلقاهم في وقت الشــــدّات *** فازت بالزين الواضح في لصْل شاويّـا
ندخل علّطراف أنفيضة الرقمة نــــــادات *** ناس عز وشّنا أخيار الرجليّــــــــــــــــا
نهبط لزريبة الوادي هي قصـــــدي بالذّات *** مسقط راسي من بكري يعزّو عليّـــــــا
ناس الجود والكرم فيهم ميـــــــــــــــزات *** محنيت لظفار من نهارها معطيّــــــــــا
أرضها من ضرب لحديد خْـــــــــــــــوات *** على جراف واد العرب جنّة محميــــــا
الوطن الغربي مشـــــــهور لرْض ارْوات *** القمح ولفريك واسواقي الغنميّــــــــــــا
صبرة والشطّر باب الصور فيهم ذكريـات *** وفي جماعة الشّيخ تحلى السهريّـــــــا 
ما ننساش وطن الفيض هيهــــــــــــــــات *** النّيف والعاهد والكلمة لوفيّــــــــــــــــا
نسيت زريبة حامد عيني عليها أعْمـــــات *** أثار الرومان والصُور والقلعة المنسيّا
الخنقة في حضن واد العرب تربّـــــــــات *** بلاد العلم والعلماء الأتقيـــــــــــــــــــــا
الاخوة حرزلي على دزاير واش ضحّات *** في سبيل الاستقلال للأجيال حققوا الأمنيّا
أبْلادي ما ننساها ليوم الممــــــــــــــات *** فازت على الريم الشرّاد عربيـــــــــــــــا
بادس لحنين أرض الخيـــــــــــرات ***اثار من عهد الرومان الصور و القلعه المنسيا
نسيت زريبة حامد عيني عليها عمات ***تراث الدشره و الحنه حكايه مرويـــــــــــــا
لقصر المعلوم ثما نتعشى و نبــــــات ***عابر السبيل يلقى ناس اسخيـــــــــــــــــــا 

الكاتب:الشاعر الشعبي أبو رمزي

شرح بعض الكلمات

لبغيلة,أنفيضة الرقمة,الاخوة حرزلي,بادس=قرى عريقة تابعة لدائرة زريبة الوادي
غنّة=أي مزدهرة بمنتوجاتها الفلاحية
الريم الشرّاد= الغزال الأصيل
شّنا= ذات شأن و همّة

تاج الحنة عروس

                                             تاج الحنة عروس


عشق الزّين أحْلال طعم العينْ نظــــــــــــــرا **** حُب الحنّة أدلال كف اليد أحضان عيني شافت الزين في أرض الصحــــــــــرا ***** أزرايب قدّاش عروس الزيبان
بساتين أحقول أحماميل خضـــــــــــــــــــرا ***** مزروعة بنبات الحنّة ليه الشّان
شفت لعجب ولْداتو أبْلاد القفــــــــــــــــــــرا ***** الحنة عروس تاج الفرح زمان
ما حقوش لعجب ولداتو أبلاد القفـــــــــــــرا ***** الحنة عروس اج الفرح زمان

ما حقوش وطن الحنّة يبقى نُكـــــــــــــــــرا ***** وماحقوش مسك ترابها يتهـــــان
ما ننساش زريبة حامد زين الدّشــــــــــــــــرا ***** الولاّجة تاريخ شاهد عيــــــــان
ما ننساش سيدي حسن هلال وقبّة خضـــــــرا ***** والي شريف فوق لبْساتين إيبان
ويبقى عز زريبة الوادي يزيد جمال وفخـــــرا ***** وهي بلادي شايعا في كل مكان
الحنة في يد لعروس تطلع حمــــــــــــرا ***** أتْزهي الميعاد تستاهل الشكر ولحسان
زينها كسباتو سعدية فاطمة الزهــــــــرا **** معاشره لعراس المولد وطهور الصبيان

مزيْنة لفراح شموع شاو البكـــــــــــــــــرا **** نجمــــــة صبح سر النّور اعْيان
جيّدة بنت لجواد في عرض السهـــــــــــرا **** سفينة لوح(خشب) بر الشط أمان
وفي الليل إيبان الجود في شعر السمـــــرا **** أرطب حْرير سيف أرمل كثبــان
يدها زاهية بالنّوار أمحارم ستــــــــــــــرا ****تاج عروس قندورة قفطـــــــــان
خلخال مشعل ضاوي مهر السمــــــــــــرا ****حنش بوراسين صوتو رنّــــــــان

ما ظنيت الحب يدوم من اول نظـــــــــــرا ****وماظنيت العاشق ينال حلمو كان
وماظنيت مضارب الحنة عروس في العين**** اتْرا جنة تسبي لعقول تسحر لعيان
مرشوشة بأنوار الحنة عيد وعاشــــورا***** ليلة سبعا وعشرين في أواخر رمضان

شرح الكلمات الغامضة

أزرايب= اسم يطلق على زريبة الوادي وزريبة حامد

أحْماميل= جمع حمّالة هي قطع على شكل مستطيل مخصصة لزراعة المحاصيل الفلاحية
القفرا=مشتقة من كلمة قفار،وهي البلاد المهجورة
أمضارب= هي الأطلال أو الاماكن

هو عبد المالك محمودي المعروف بــ(أبو رمزي) كاتب وشاعر شعبي مهتم بالتراث اللامادي
من مواليد 1962م بزريبة الوادي(وادي العرب)بولاية بسكرة ، دراسته الابتدائية كانت بمسقط
رأسه وبالضبط بمدرسة بن ناجي مبروك حاليا،بداية سنة 1975 م زاول دراسته بمتوسطة يوسف
العمودي بمدينة بسكرة.
وفي عام 1980م انظم الى صفوف الجيش الوطني الشعبي كطالب متطوع وبالضبط بالمركز التقني للمحافظة السياسية
(تشامونافر)بالجزائر العاصمة ،ليتخرج بعد ذلك بدبلوم كتقني وعارض سينمائي وعضو الرابطة الوطنية لأدب الشعبي.
مشاركاته:
- في سنة 2005 شارك بعكاضية الشعر الشعبي بدار الثقافة أحمد رضا حوحو ببسكرة.
- في جوان 2009 شارك في الأسبوع الثقافي البسكري بولاية البويرة.

- أواخر جوان شارك بعكاظية الشعر الشعبي للمرحوم بلقاسم حرز الله بمدينة اورلال.

- في جوان 2010 م شارك في عكاظية الشعر الشعبي الوطني الطبعة العاشرة بمدينة بسكرة.

- في أفريل 2011 شارك في عكاظية الشعر الشعبي الجزائري لمدينة بومرداس.

- في 10 ماي 2011 شارك بأيام الشعر الشعبي بمدينة بسكرة.

- له عدة اسهامات في الاذاعة الوطنية والاذاعات الجهوية -اذاعة الزيبان واذاعة الأوراس واذاعة ورقلة-.

- له كتاب قيد الطبع وهو بصدد تاليف كتابه الثاني قريبا.


مطلع من قصيدته الرائعة "بلادي"حين اطلق العنان لقلمه ليتغنى ببلاده





إنت حكاية طويلة من صغري بيك نحلم**** صورتك لوحة مرسومة في خيالي
خاطري متونس بإخبارك مهتم **** ريشات قلبك قصايد زادت في هبالي
أضباب طاح على عيني مخيم ****راني جاي بالحضن كوني في إستقبالي





صورة للشاعر ابو رمزي اثناء مشاركته بعكاظية الشعر الشعبي الجزائري الطبعة الثانية بولاية بومرداس

عنوان القصيدة
يا فانيـــــــــــــــــــــــــــــــــــة

نطقت الدراهـــــم من كـــــــــان ساكت *وشبعــت من كان بكــــــــــــــــــري جيعان
الجهــــــال و الكافية كلها فاقــــــت * و الجيب اللي كان فارغ ، بالحرام أصبح مليان
الوقت بدال يا خوتي و الدنيا أصماطت *ولد الفكرون عاد إسوقْ في البقرة و النيسان
هاذي هذه الفانية علينا جـــــــــارت * قلابت لحوال يا غافـــــــــــــــــل ما فيها آمان
شوفو السبوعه في الغابة جاعــــــــت * ولكلاب تاكل في المشوي و لحم الضـــــــان

الدنيا كــــــــــي لحقــــت ليا دارت * شوف قدرة المنتدى و الزمان الخـــــــــــــــوان
أتسـوم معـــــــزة تلقاها أتباعت * ما يصح لأبو رمزي غير الكرشة و المصــران
كلشي يتوزن بالمال ، لقلوب أقساحت  * الغني ما هو داري بالفقيـــــــر التعبــان
الخيمة هجروها قالـو أقدامـــت  * سكنو الفيلا طلعوها في رمشة لعيـــــــــــــــان
لفريك دغلوه والحنة في اليد أصفارت  *و خبــز الدقيق ناقص في الميــــــــــزان

لعسل الحربنـَتْ ريحتو من الدار زالت*والمرقارين الفايحة خلطوها صبحت دهان
الفضة الصافية ولتْ أنحاس وماسامت * و البلاكيور الرخيس عاد عندو الشــان
عكســــــــــت لقدار احلامها أبسَالتْ * لبهيم أرجع أغزال بلقب ســـــــــــــي فلان
ناس جهلت دارت جنحين وطــارت  * بالدراهم قرودة كسبت كات كات و الميقان
ما تسرج ما تلجم البردعة ألاحـت  * أمعاشر الصيودة ولــــــــى عرة الفرســــان

لي عندو المال يعبدون،العقول ليه مالت*حتى لـــــــــو كان دلو فرغــــــان
بالهــــــــف و اللـف أكرايمو أخشانت * ولحرام أرجع بيه أحلال في هذا الزمـــان
هاذي هي الدنــــــــــــــيا أنيابها بانت *لمصبط ما هـــــــــــــــــــــــــــو داري بالحفيان
المال كذب عقال هاذي وين صارت   * وصدق جهال صبحو من أكبار لعيــــــــان
طالـــب طلاب وطلبة أجياحـــت * ما عادت اتفرق ما بين الزفت و القطـــــــــران

الحرة تهموها قالو خانــــــــــــــت * و دليلة عادت تحكــم في القوم باسم السلطـــــان

يا فانية مشعوذين في أركابكْ سارت  * عكسو الآيــــة و حرفو سور القــــــــــــــــــرآن

قافلة راحلة أكلابها أتساقــــــــــــت  * ما بقى غير الحلوف وخوه هاملين في لوطــــان

لقطوط لي كانت راهمة أسمــــانت   * إكثر خيــــــر أخربْ الفيـــــــــــــــــــــــــــــران

العادات و التقاليد و الأخلاق أنهارت * نـعلبــــــــــوّ لي يعيش تحت ظل ذل هذا الزمـان

 الشاعر عبد المالك محمودي { أبو رمزي } زريبة الوادي و لاية بسكرة